لاہور(سپورٹس رپورٹر) ہیڈ کوچ ثقلین مشتاق نے کہا ہے کہٹی ٹونٹی کرکٹ میں کسی ٹیم کو چھوٹی ٹیم نہیں کہا جا سکتا۔
سہ فریقی سیریز کافی اہم ہے، اس سیریز میں خود کو ٹی ٹونٹی ورلڈ کپ کیلئے تیار کرنا ہے۔نیوزی لینڈ میں میڈیا سے گفتگو کرتے ہوئے ثقلین مشتاق نے کہا کہ چھوٹے فارمیٹ میں اکثر چھوٹی غلطی بھی بہت بڑی غلطی بن جاتی ہے۔ ورلڈ کپ کو نظر میں رکھتے ہوئے میچز کھیلیں گے، جو چیزیں رہ گئی ہیں اس کو اس سیریز میں ٹیسٹ کر لیں گے۔ مختلف موسم میں کھیلنا کھیل کا حصہ ہے، اس کو اپنا کر ایڈجسٹ ہونا پڑتا ہے، اس سیریز میں بھی ہمیں یہاں کے موسم کے حساب سے کھیل بہتر کرنے کا موقع ملے گا۔
