فیروزوالہ(نامہ نگار)امامیہ کالونی، فیروزوالہ کے قریب نامعلوم موٹر سائیکل سواروں نے فائرنگ کرکے کار سوار تاجر تنظیم کے صدر عالم جان خان کو قتل کر دیا۔ ونڈالہ لنڈا بازار کا صدر عالم جان اپنی گاڑی پر سوار ہو کر گھر جا رہا تھا جب وہ راستے میں پہنچا تو نا معلوم موٹر سائیکل سوار ملزموں  نے اس کی گاڑی پر اندھا دھند فائرنگ کر دی جس کے نتیجہ میں عالم جان خان  ہلاک ہو گیاجبکہ حملہ آروں کی فائرنگ سے راہگیر نوجوان عابد رضا شدید زخمی ہو گیا جسے ہسپتال داخل کروا دیا گیا۔ قتل کی واردات پر علاقہ میں کہرام مچ گیا ۔قتل کی واردات دکانداروں نے احتجاج کیا۔ دکانداروںبتایا کہ نا معلوم ملزمان نے عالم جان خان کو کار پر ٹارگٹ کیا جس کی وجہ سے وہ ہلاک ہوا ہے۔ جائے وقوعہ پر فرانزک ٹیموں نے شواہد اکٹھے کر لئے ہیں۔ پولیس مختلف پہلوؤں پر تحقیقات کر رہی ہے۔ پولیس نے مقتول کی نعش پوسٹمارٹم کیلئے ہسپتال بھجوا دی۔ پولیس مصروف کارروائی ہے ۔