کراچی (نیوز رپورٹر)گھریلو جھگڑوں سے پریشان شخص نے ساس اور بیوی کو فائرنگ کرکے ابدی نیند سلا دیا۔ تفصیلات کے مطابق منگھوپیر سلطان آباد حاجی فضل ٹاؤن میں فائرنگ سے جاں بحق 2 خواتین کی شناخت بخت بی بی اورگلشیرہ کے ناموں سے ہوگئی۔ پولیس حکام کے مطابق ملزم دلاور نے اپنی ساس اور بیوی کو فائرنگ کرکے قتل کیا اور موقع سے فرار ہوگیا،ملزم دلاور بے روز گار تھا جس کی وجہ سے گھر میں آئے دن جھگڑے ہوتے تھے،آج بھی تلخ کلامی کے بعد ملزم دلاور نے طیش میں آکر فائرنگ کردی،پولیس نے موقع پر پہنچ کر ابتدائی شواہد اکھٹے کئے لاشیں اسپتال منتقل کردیا،پولیس حکام  کا کہنا ہے کہ فائرنگ کے واقعے میں ملوث ملزم کی گرفتاری کیلئے کوششیں جار ی ہے۔