سینٹرل کنٹریکٹس، اے کیٹگری کرکٹرز کو ماہانہ 60لاکھ روپے ملیں گے

لاہور(سپورٹس رپورٹر)قومی کرکٹرز کے سینٹرل کنٹریکٹس کی 4 کیٹیگریز کے معاوضوں کی تفصیلات سامنے آگئیں۔ذرائع کے مطابق سینٹرل کنٹریکٹس کی ’اے‘ کیٹیگری کے 3 کرکٹرز کو تقریباً 60 لاکھ روپے ماہانہ ملیں گے۔ذرائع کے مطابق کنٹریکٹس کی ’بی‘ کیٹیگری کے کرکٹرز کو 41 لاکھ روپے ماہانہ ملیں گے۔ ’سی‘ کیٹیگری میں شامل کھلاڑیوں کو ساڑھے 17 لاکھ روپے ماہانہ ملیں گے، ’ڈی‘ کیٹیگری میں شامل پلیئرز کو 11 لاکھ 30 ہزار روپے ماہانہ ملیں گے۔ کھلاڑیوں کی ماہانہ آمدنی میں پاکستان کرکٹ بورڈ کو انٹرنیشنل کرکٹ کونسل سے ملنے والے ریونیو کا 3 فیصد حصہ بھی شامل ہے۔