سوشل ویلفیئر آفس شملہ پہاڑی پر نابینا افراد کا دھرنا جاری، کئی بیمار

لاہور (نیوز رپورٹر) نابینا افراد کا دھرنا 14 ویں روز میں داخل ہو گیا۔ تاہم یہ دھرنا اب سوشل ویلفیئر آفس شملہ پہاڑی منتقل ہو گیا۔ نابینا افراد کی جانب سے پریس کلب، ایجرٹن روڈ، چیرنگ کراس اور کلب چوک مال روڈ پر دھرنا دیا گیا۔ دوسری جانب بھوک، پیاس اور موسمی شدت سے نڈھال متعدد نابینا افراد بیمار پڑنے لگے ہیں۔ نابینا افراد کو کھانے پینے میں بھی مشکلات کا سامنا ہے۔ نابینا افراد کا کہنا ہے کہ مطالبات کی منظوری تک دھرنا سوشل ویلفیئر آفس میں جاری رہے گا۔