شیخوپورہ (نمائندہ نوائے وقت) پاکستان مسلم لیگ (ن) کے ضلعی صدر و سابق رکن صوبائی اسمبلی محمد عارف خان سندھیلہ نے کہا ہے کہ پاکستان کے دشمنوںکی ناپاک خواہش ہے کہ پاکستان کو ہر صورت کمزور کیا جائے مگر اس ساز ش کو کامیاب نہیں ہونے دیا جائے گا موجودہ حکومت کے ملکی مفاد میں جاری منصوبوں کو کامیاب بنانے کیلئے تمام سیاسی سماجی و مذہبی جماعتیں اپنا کردار ادا کریں۔ میڈیا سے گفتگو کرتے انہوں نے کہا کہ (ن) لیگ کی قیادت جلد ہی معاشی بحران پر مکمل قابو پا لے گی۔ محسن پاکستان میاں محمد نواز شریف پاکستان کو ایشین ٹائیگر بنانے کے ویژن کو عملی جامہ پہنا کر دم لیں گے۔ انہوں نے کہا قوم کو (ن) لیگ کی قیادت سے جو امیدیں وابستہ انہیں ان شاء اللہ مریم نواز شریف بطور وزیر اعلیٰ ہر صورت پورا کریں گی۔