لاہور(نیوز رپورٹر)ڈاکٹر اے کیوخان ہسپتال ٹرسٹ (رجسٹرڈ) کے آتھر،بانی ٹرسٹی اورجنرل سیکرٹری ڈاکٹر شوکت بابر ورک نے کہا افواج پاکستان کے ہاتھوں پاکستان سے خوارج کاصفایا اٹل ہے۔ پاک سرزمین پرخوارج کاناپاک وجود ہرگزبرداشت نہیں کیا جائے گا۔ پاک فوج کے سپہ سالار جنرل سیّدعاصم منیر اورڈی جی آئی ایس آئی لیفٹیننٹ جنرل محمدعاصم ملک کی قیادت میں ہمارے قابل رشک جانبازفوجی ماودروطن اورامن پرآنچ نہیں آنے دینگے۔ شمالی وزیرستان میں خوارج کے ساتھ جھڑپ کے دوران لیفٹیننٹ کرنل محمدعلی شوکت سمیت 6 جوانوں کی شہادت پر مادروطن کے بیٹوں اوربیٹیوں کو ریاست کی حفاظت کیلئے سردھڑ کی بازی لگانے کاتجدید عہد کرناہوگا۔ قوم کے بہادر بیٹوں نے مادروطن کی سا  لمیت اورامن کیلئے جام شہادت نوش کیا۔ ہم اپنے شہیدوں کی یادوں اور قربانیوں کو اپنے قلوب اورقومی نصاب کے اوراق میں زندہ رکھیں گے۔ پاکستان کے استحکام اور دوام کاراز یقینا پاک فوج کی مضبوطی میں پنہاں ہے۔