لاہور(خصوصی نامہ نگار) مصطفوی سٹوڈنٹس موومنٹ کا 30واں یوم تاسیس لاہور سمیت ملک بھر میں انتہائی جوش و خروش سے منایا گیا۔ آزاد کشمیر گلگت  بلتستان سمیت ملک کے چاروں صوبوں کے تمام اضلاع میں30ویں یوم تاسیس کے موقع پرطلباء کنونشنز، طلباء ریلیزودیگر تقاریب کا انعقاد کیا گیا۔ تقاریب میں طلبا رہنمائوں نے مصطفوی سٹوڈنٹس موومنٹ کا 30سالہ جدوجہد کو زبردست خراج تحسین پیش کیا۔ مقررین نے کہا نظام تعلیم کی بہتری، طلبامسائل کے حل،امن ومحبت،درس گاہوں کا تقدس،اساتذہ کا وقار،نئی نسل کی تربیت مصطفوی سٹوڈنٹس کا نصب العین ہے۔ مصطفوی سٹوڈنٹس موومنٹ احیائے اسلام،استحکام پاکستان اور طلباحقوق کے تحفظ کیلئے مصروف عمل ہے۔