فیروزوالہ(نامہ نگار) ڈکیتی ،راہزنی اورچوری کی متعدد وارداتوں میں شہریوں کو لاکھوں روپے مالیت کے زیورات اور قیمتی اشیاء سے محروم کر دیاگیا ۔ فائرنگ سے چوکیدار زخمی‘ ہسپتال داخل کرادیا گیا۔ تھانہ فیکٹری ایریا کے قریب ڈاکو رفاقت علی کے بیٹے سے ایک لاکھ 60 ہزار اور موبائل چھین کر فرار ہو گئے۔ انڈر پاس کے قریب ڈاکوؤں نے دن دیہاڑے نوجوان شاہد وارث سے 2لاکھ روپے نقدی چھین لی اورفرار ہوگئے۔آرائیاں والی پلی کے قریب ڈاکوؤں نے دکان کے باہر کھڑے ٹریکٹر سامان اتار رہے تھے کہ چوکیدار نے ڈاکوؤں کا مقابلہ کر کے دو ڈاکو پکڑ لئے‘ ڈاکوؤں نے فائرنگ کر کے چوکیدار مشتاق احمد کو زخمی کر دیا اور فرار ہو گئے۔ چوروں نے کچہری فیروزوالہ میں دکان کے تالے توڑ کر ہزاروں روپے مالیت کی نقدی اور دیگر قیمتی سگریٹ اور دیگر سامان چوری کر کے لے گئے۔ دکاندار ابوبکراحسان کے مطابق اس کی دکان میں پانچویں بار چوری کی واردات ہوئی مگر پولیس کسی واردات کا سراغ نہ لگا سکی۔ ناملوم افراد نے عابد کی دکان کے بعد کھڑی موٹر سائیکل چوری کر لی۔ سراج پورہ کے قریب ڈاکو موٹرسائیکل سوار سے نقدی اور موبائل چھین کر لے گئے۔