جامعہ نعیمیہ میں سالانہ محفل میلاد برائے خواتین  

لاہور(خصوصی نامہ نگار) جامعہ نعیمیہ میں سالانہ محفل میلاد برائے خواتین کاانعقاد کیا گیا جس میں دارالعلوم سراجیہ نعیمیہ کی معلمات، طالبات سمیت علاقے بھر سے خواتین کی کثیرتعداد نے شرکت کی۔ محفل میلاد میں طالبات نے بارہ گاہ رسالت مآب میں گلہائے عقیدت پیش کرکے سماںباندھ دیا اور کانفرنس ہال نعرہ تکبیر، نعرہ رسالت سے گونج اٹھا۔ طالبات نے درود وسلام کے نذرانے پیش کرنے کے ساتھ ساتھ نعت خوانی کی صورت میں اپنی عقیدتوں کا اظہار کیا۔ دارالعلوم سراجیہ نعیمیہ کی ناظمہ نبیرہ عندلیب نعیمی نے محفل میلاد سے خطاب کرتے ہوئے کہا سیرت طیبہؐ ہمارے لیے بہترین نمونہ ہے۔ اسلام ہمیں کامیاب زندگی کیلئے رہنما اصول فراہم کرتا ہے۔