چکوال(نامہ نگار)ضلع چکوال میں گرینڈ ٹیچرز الائنس پنجاب کے پلیٹ فارم سے ضلع چکوال کے اساتذہ نے گورنمنٹ گرلز ہائی سکول نمبر 1 چکوال تا بھون چوک ریلی نکالی گئی ۔جس کی قیادت ہیڈ ماسٹر ایسو سی ایشن چکوال کے صدر شفقت محمود گوندل نے کی ۔مرکزی رکن گرینڈ ٹیچرز الائنس پنجاب،مرکزی صدر ایس ایس ٹی ایسوسی ایشن پنجاب و وائس چیئرمین اگیگا پنجاب راجہ کامران عزیز اگیگا چکوال و ایجوکیٹرز ایسوسی ایشن ضلع چکوال کے ضلعی صدر قاضی محمد اکمل ،ضلعی صدر پنجاب ٹیچرز یونین چوہدری محمد فیاض ،پرنسپل گورنمنٹ ہائی سکول نمبر 1 چکوال انوار الحق شاہ ،پرنسپل گورنمنٹ ہائیر سیکنڈری سکول سہگل آباد ملک نثار، سینئر ہیڈ ماسٹر گورنمنٹ اسلامیہ ہائی سکول ملک ابرار،ملک عمران بشیر صدر ایس ایس ٹی ایسو سی ایشن ضلع چکوال نے کی ۔مرد، خواتین اور اساتذہ کی کثیر تعداد نے ہاتھوں میں بلیک ڈے کے حوالے سے پلے کارڈز اور بینرز اٹھا رکھے تھے