سنجوال کینٹ (نامہ نگار)کی محمد ؐسے وفا تو نے تو ہم تیرے ہیں،یہ جہاں چیز ہے کیا لوح و قلم تیرے ہیں،رائل بیکن الائیڈ سکول قطبال فتح جنگ کے زیر اہتمام جشن عید میلادالنبی مبارک کی ریلی کا انعقاد۔فتح جنگ کے نواحی قصبہ قطبال میں رائل بیکن الائیڈ سکول کے زیر انتظام 12 روزہ عید میلادالنبی ؐمحافل کا انعقاد کیا گیا۔ آخری محفل کے اختتام پر ایک عظیم الشان میلاد ریلی کا اہتمام ہوا۔ جس میں سکول کے طلبہ نے بھرپور حصہ لیا۔ بچوں نے ہاتھوں میں پلے کارڈ اٹھا رکھے تھے ریلی کا اغاز قطبال رائل بیکن الائیڈ سکول سے شروع ہوکر درگاہ حضرت پیر سید ( مظفر شاہ بخاری رح) پر اختتام پزیر ہوئی۔ سجادہ نشین دربار عالیہ پیر سید امجد حسین شا? بخاری اور پیر سید معین الدین شاہ بخاری نے ریلی کے شرکاء کا بھرپور استقبال کیا ۔ سکول طلبہ کے علاؤہ بچوں کے والدین، بزرگ نوجوان مشائخ اور علما کی کثیر تعداد نے حصہ لیا۔