پاک فوج ملک کا بہترین، منظم اور شاندار ادارہ ہے:سید ندیم عباس

شیخوپورہ(نامہ نگارخصوصی) پیپلز پارٹی کے سٹی صدر وٹکٹ ہولڈر سید ندیم عباس کاظمی نے ضلعی سینئر نائب صدر چو د ھر ی خالق عزیز ورک کے ڈیرہ پر صحافیوں سے گفتگو کرتے ہوئے کہاپاک فوج ملک کا بہتر ین، منظم اور شاندار ادارہ ہے جو ملکی سر حد وں کے دفاع، عوام کے تحفظ، دہشت گردی کے خاتمے سمیت دیگر عوامی مسائل کے حل کیلئے اپنا کردار ادا کررہا ہے ۔ آرمی چیف جنرل عاصم منیر قابل، دلیر اور ایماندار اور بہادر افسر ہیں۔ پیپلز پارٹی نے ملک میں آئین کی بالادستی اور جمہوری نظام کیلئے لا ز وال جدوجہد کی ۔ پیپلزپارٹی ملک کے غریب، متوسط اور مزدور طبقے کے حقوق کیلئے کاوشیں کررہی ہے، چیئرمین پیپلز پا ر ٹی بلاول بھٹو کا ویژن اداروں میں ضروری اصلاحات اور عدلیہ کے نظام کو مزید موثر اور مضبوط بنانا ہے۔ تمام ادارے جو کسی بھی ریاست کی حفاظت، ترقی، معاشی بہتری، عدل وا نصاف کی فراہمی اور معاشرتی مسائل کے حل کیلئے کام کرتے ہیں ان کا مضبوط اور آزاد ہونا بہت ضروری ہے۔