حافظ آباد(نمائندہ نوائے وقت) ڈپٹی کمشنر عبدالرزاق نے رات گئے تحصیل ہسپتال پنڈی بھٹیاں اور رورل ہیلتھ سنٹر سکھیکی کی کا اچانک دورہ کیا۔ ٹی ایچ کیو ہسپتال پنڈی بھٹیاں کے دورہ کے موقع پر ڈپٹی کمشنر نے شعبہ ایمر جنسی اور مختلف وارڈز کا دورہ کرتے ہوئے وہاں مریضوں کو دستیاب علاج معالجہ کی سہولیات، سٹاف کی حاضری، ادویات کی فراہمی اور دیگر انتظامات کا جائزہ لیا۔ اس موقع پر ڈپٹی کمشنر نے مریضوں سے طبی سہولیات بارے فیڈ بیک لیا۔