علماء ومشائخ نے طاغوتی طاقتوں کیخلاف محراب ومنبر سے آواز  اٹھائی: ڈاکٹر خادم حسین 

حافظ آباد(نمائندہ نوائے وقت)عالم اسلام کے خطیب حضرت سید شبیر حسین شاہ  ؒ کے سالانہ عرس پاک کی اختتامی تقریب سے خطاب کرتے ہوئے معروف دینی اسکالر ڈاکٹر خادم حسین خورشید نے کہا کہ علماء ومشائخ نے ہمیشہ طاغوتی طاقتوںکے خلاف محراب ومنبر سے آواز اٹھائی ہے اور اب ہی ہم تحفظ ختم نبوت اور تحفظ ناموس رسالت کی خاطر بڑی سے بڑی قربانی دینے کے لئے میدان میں موجود ہیں۔ انہوںنے کہا کہ حضرت شبیر حسین شاہ حافظ آبادی ؒجیسی شخصیات صدیوں بعد پیداہوتی ہیں۔ انکی جادو بھری آواز دنیا کے قریہ قریہ میں سنائی دی۔