جڑواں شہروں کی سڑکیں اور راستے کھلنے سے شہریوں نے سکھ کا سانس لیا 

 راولپنڈی/اسلام آباد (اپنے سٹاف رپورٹر سے)جڑواں شہروں کے جمعہ کے روز سے بند کی گئی سڑکیں اور راستے کھلنے سے شہریوں نے سکون کا سانس لیا موبائل فون اور انٹرنیٹ سروس بھی بحال ہونے سے شہریو ں کے رابطے بھی بحال ہوگئے راولپنڈی اسلام آباد کے درمیان کرنل شیر خان آئی جے پرنسپل روڈ،سرینگر ہائی وے، گولڑہ موڑ، فیض آباد، مری روڈ، روات ٹی کراس، اسلام آباد ایکسپریس وے، ائرپورٹ روڈ، چونگی نمبر 26، بلیو ایریا روڈ، نائنتھ ایونیو ، سیونتھ ایونیو، مارگلہ روڈ، کلب روڈ سمیت سڑکیں کھلنے سے شہری زندگی معمول پر آنا شروع ہوگئی