پاکستان میں موسم گرم‘کنڈیشنز مختلف‘اچھا کھیلنے کی کوشش کرونگا: گس ایٹکنسن

لاہور(سپورٹس رپورٹر)انگلش ٹیم کے فاسٹ بائولر گس ایٹکنسن نے کہا ہے کہ پاکستان میں کرکٹ کھیلنے کیلئے کافی پْرجوش ہوں، یہاں آکر بڑی خوشی ہوئی، اس سے پہلے پی ایس ایل کیلئے ایک بار پاکستان آچکا ہوں۔ یہاں کے موسم سے ہم آہنگ ہونے کی کوشش کی کیونکہ ظاہر سی بات ہے انگلینڈ کی نسبت یہاں کا موسم کافی گرم ہے۔ ہم نے بڑے بہترین ٹریننگ سیشن کیے گو کہ یہاں کی کنڈیشنز مختلف ہیں مگر کچھ زیادہ مختلف کرنے کی کوشش نہیں کریں گے۔ جو کھلاڑی یہاںآکر کھیل چکے ہیں ان سے بھی بات چیت کی ہے اور میں اپنے انداز سے کھیل کر بہترین کرنے کی کوشش کروں گا۔ انجریز کی وجہ سے کچھ سینئر کھلاڑیوں کو مس کر رہے ہیں مگر ہمارا باؤلنگ اٹیک کافی اچھا ہے اور ہمارے پاس تجربہ کار کرس ووکس سمیت کچھ نوجوان بائو لرز بھی موجود ہیں۔ بابراعظم،محمد رضوان اور شاہین آفریدی سمیت پاکستان کے پاس کچھ زبردست کھلاڑی ہیں۔