بلوچستان کے نوجوانوں کے لئے مشعل راہ ہیں:وزیر اعلی بلوچستان

وزیر اعلی بلوچستان میر سرفراز بگٹی سے کراٹے کومبیٹ کے عالمی کھلاڑی شاہ زیب رند کی ملاقات ہوئی ہے۔میر سرفراز بگٹی نے عالمی ریکارڈ برقرار رکھنے پر شاہ زیب رند کو مبارکباد دی۔وزیر اعلی بلوچستان میر سرفراز بگٹی ںے شاہ زیب رند سے گفتگو کرتے ہوئے کہا کہ میامی میں ہونے والے مقابلے میں آپ کی کامیابی کے لیے دعا گو ہیں. بلوچستان کے نوجوانوں کے لئے آپ مشعل راہ ہیں۔ان کا کہنا تھا کہ بلوچستان حکومت آپ کی ہر سطح پر حوصلہ افزائی کرے گی. بلوچستان میں کھلیوں کے میدان آباد کررہے ہیں۔انہوں نے کہا کہ بلوچستان کی تاریخ میں پہلی بار محکمہ کھیل نے پورے سال کی سرگرمیوں کا کلینڈر مرتب کیا ہے.ہر باصلاحیت نوجوان کی حوصلہ افزائی کریں گے۔ میر سرفراز بگٹی کا مزید کہنا تھا کہ تعلیم کے ساتھ کھیل و دیگر صحت مندانہ سرگرمیوں کے لئے نوجوانوں کو بھرپور مواقع فراہم کررہے ہیں۔