یاسر حمید نے اپنے بیان میں کہا ہے کہ ان کی عابد نامی شخص سے ملاقات سپانسرشپ کے حوالے سے ہوئی تھی جبکہ اس دوران ویڈیو بنائے جانے کا انہیں ہرگزعلم نہیں تھا۔ یاسر حمید نے پاکستانی ہائی کمشنر واجد شمس الحسن اور پی سی بی کے قانونی مشیر تفضّل
رضوی سے ملاقات کے بعد برطانوی اخبار نیوز آف دی ورلڈ کے خلاف قانونی چارہ جوئی پر غور شروع کر دیا ہے ۔ ادھر آسٹریلوی ٹیم کے کوچ ٹم نیلسن کا کہنا ہے کہ مشکوک افراد نے ان سے بھی رابطہ کرنے کی کوشش کی تھی۔ جبکہ آسٹریلوی کھلاڑی شین واٹسن، بریڈ ہیڈن، بریٹ لی اورمچل جونسن پہلے ہی بکیوں کی جانب سے رابطے کی کوششوں کا اعتراف کر چکے ہیں۔ دوسری جانب آئی سی سی  ذرائع نے انکشاف کیا ہے کہ دو ہزار نو کے ٹی ٹونٹی ورلڈ کپ میں بکیوں کے ساتھ رابطوں پر سری لنکن ٹیم کے کئی ارکان کے خلاف بھی تحقیقات کی جا رہی ہیں۔