گاج کلاچی (این این آئی) خضدار کے علاقہ گاج کلاچی میں گیسٹرو نے تباہی مچا دی ، گیسٹرو سے مزید 6 افراد جاں بحق ، ہلاکتوں کی تعداد 11ہوگئی ،جاںبحق افراد میں چھ بچے بھی شامل ہیں، جبکہ متعدد دیہات کے لوگ گیسٹرو کے مرض میں مبتلا ہیں ، علاقہ دور دراز اور پہاڑی سلسلے پر مشتمل ہونے کی وجہ سے محکمہ صحت کی ٹیمیں علاقے کا مکمل احاطہ نہیں کر پا رہیں۔ دوسری جانب ڈی ایچ او خضدار محمد انور ریکی نے کہاکہ متاثرہ علاقے میں محکمہ صحت کی دو ٹیمیں متاثرہ افراد کو طبی امداد دے رہی ہیں میں از خود علاقے کا دورہ کرچکا ہوں اور تمام تر ادویات کے ساتھ محکمہ صحت کی ٹیم علاقے میں موجو د ہے ۔ ہماری کوشش ہے کہ جلد مرض پر قابو پالیں۔