لاہور(سپورٹس رپورٹر) لاہور پریس کلب کے زیر اہتمام غوری ٹائر اینڈ ٹیوب میڈیا کپ کرکٹ ٹورنامنٹ کے فائنل میچ میں ایکسپریس نیوز کی ٹیم نے سنسنی خیز مقابلے کے بعد اے آر وائی نیوز ٹیم کو شکست دی۔ فیئرپلے ٹرافی ٹوائے وقت ٹیم کے کپتان ندیم بسرا نے وصول کی جبکہ سٹی 42 اور اے پی پی ٹیم کو مشترکہ تیسری پوزیشن کا حقدار قرار دیا گیا۔ مہمان خصوصی سابق سپیکر قومی اسمبلی سردار ایاز صادق نے فاتح ٹیم ایکسپریس نیوز کو ٹرافی اور ایک لاکھ روپے انعام دیا جبکہ رنر اپ ٹیم کو پچاس ہزار روپے اور ٹرافی انعام میں دی۔