یوا یس اوپن ٹینس ٹورنا منٹ:اعصام الحق کی جوڑی کوارٹر فائنل میں پہنچ گئی

نیویارک (سپورٹس ڈیسک ) امریکہ میں جاری یو ایس اوپن ٹینس ٹورنا منٹ میں اینڈی مرے ‘کے نشیکوری ‘واورینکا نوواک ڈجکووچ‘ڈیل پوٹرو مینز سنگلز کے کوارٹر فائنل میں پہنچ گئے۔ ویمنز سنگلز میں اے کونجوہ ‘سرینا ولیمز ‘کے پلشکووا‘سیمونہ ہلیپ ‘کیرولین وزنائیکی کوارٹر فائنل میں پہنچ گئیں ۔مینز میںیارو شلاوا شویدا‘ دیمتروف ‘کارلووک ‘مارچنکو‘ایڈمنڈ جبکہ ویمنز میں آگنیسکا راڈ ونسکا ‘شیوی ڈووا‘وینس ولیمز‘سوریز نووا رو شکست کھاکر ایونٹ سے باہر ہوگئے۔انجلیق کربر بھی کوارٹر فائنل میں رابرٹا ونسی کو شکست دے کر سیمی فائنل میںپہنچ گئیں ۔ بھارتی سٹار ثانیہ مرز اکی جوڑی بھی ویمنز کے ڈبلز کوارٹر فائنل میں پہنچ گئی ۔ثانیہ مرزا اور سٹرائی کووا کی جوڑی نے این گبز اور این ہبینو کی جوڑی کو چھ چار اور سات پانچ سے شکست دی ۔پاکستان کے اعصام الحق قریشی کی جوڑی بھی منز ڈبلز کے کوارٹر فائنل میں پہنچ گئی۔اعصام الحق قریشی اور لنڈ سٹڈٹ کی جوڑی نے جین روجر اور ایچ ٹکائو کی جوڑی کو چھ تین اور سات چار سے شکست دی ۔امریکی ٹینس سٹار سرینا ولیمز نے کیر یئر کا 308واں میچ جیت کر سوئٹز ر لینڈ کے روجر فیڈرر کا ریکارڈ برابر کردیاسرینا ولیمز نے کہا کہ یہ بڑی پر جوش فتح ہے اور بہت زیادہ خوش ہوں ۔