کیمپس کرکٹ ورلڈ ٹورنامنٹ : پاکستان نے بھارت کو 5 وکٹوں سے ہرا دیا

لاہور (نمائندہ سپورٹس +نوائے وقت رپورٹ) کیمپس کرکٹ ورلڈ ٹورنامنٹ میں پاکستان نے بھارت کو 5 وکٹوں سے ہرا دیا۔ سری لنکا میں یونیورسٹی آف سنٹرل پنجاب کی ٹیم نے بھارت کے منترا منڈل کالج کو ہرایا۔ یو سی پی کی ٹیم بھارت کو ہرا کر سیمی فائنل میں پہنچ گئی ‘مقابلہ سری لنکا کے پی ایم ایس کالج سے ہو گا۔ بھارت کے منترا منڈل کالج کی ٹیم نے 8 وکٹوں پر 178 رنز بنائے۔ پاکستان نے ہدف 5وکٹوں پرپورا کر لیا۔ تیمور سلطان نے 91 رنز کی میچ وننگ اننگز کھیلی۔ یو سی پی نے یو اے ای کی ہیریسٹ واٹ یونیورسٹی کو 7 وکٹوں سے ہرایا۔ ٹورنامنٹ میں تمام ممالک کی کرکٹ میں چیمپئنز یونیورسٹیز حصہ لے رہی ہیں۔