اشفاق احمد کی تیرہویں برسی آج منائی جائے گی

اسلام آباد(نوائے وقت رپورٹ ) پرائیڈ آف پرفارمنس، ستارہ امتیاز پانے والے اردو کے معروف افسانہ نگار ، نثر نگار و مصنف اشفاق احمد کی تیرہویں برسی آج 7ستمبر بروزجمعرات کومنائی جائے گی۔اس موقع پر فیصل ۱ٓباد سمیت مختلف شہروں میں خصوصی تعزیتی تقریبات ، ریفرنسز ، کانفرنسز ، سیمینارزاور دیگر تقریبات کا بھی انعقاد کیا جائیگا جن میں اشفاق احمد مر حوم کی اردو ادب کے حوالے سے طویل خدمات کو شاندار الفاظ میں خراج عقیدت پیش کیا جائیگا۔ اس موقع پرفیصل آباد سمیت بعض دیگر شہروں میں قرآن خوانی کی محافل بھی منعقد کی جائیںگی اور مرحوم کی روح کو ایصال ثواب کیلئے فاتحہ خوانی کی جائیگی۔