زمبابوے کے سابق صدر رابرٹ موگابے 95 برس کی عمر میں چل بسے

ہرارے(آن لائن) زمبابوے کے سابق صدر رابرٹ موگابے 95 سال کی عمر میں دنیا سے رخصت ہوگئے۔برطانوی نشریاتی ادارے کے مطابق رابرٹ موگابے شدید علیل تھے اور اپریل سے سنگاپور کے اسپتال میں زیر علاج تھے۔ 1924 کو پیدا ہونے والے رابرٹ موگابے زمبابوے کی آزادی کے ہیرو تصور کیے جاتے ہیں انہوں نے تقریباً تین دہائیوں تک زمبابوے پر حکومت کی اور انہیں نومبر 2017 میں ہونے والی فوجی بغاوت کے بعد اقتدار سے الگ کردیا گیا تھا۔