لاہور (نامہ نگار) لاہور کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ ساندہ کے علاقے میںمعذور لڑکی ماہ نور، لیاقت سے 6لاکھ 65 ہزار روپے مالیت کی نقدی، طلائی زیورات اور موبائل فون، جوہر ٹاؤن کے علاقے میں وقار کے گھر میں گھس کر اہلخانہ کو گن پوائنٹ پر یرغمال بنا کر4 لاکھ 80 ہزار روپے مالیت، سٹی رائیونڈ کے علاقے میں شکیل احمد اور اس کے کزن سے 7لاکھ 94 ہزار اور موبائل فون، چوہنگ کے علاقے میں جاویدکے دفتر میں گھس کر 5لاکھ روپے اور کیبل نیٹ ورک کا سامان، مصری شاہ کے علاقے میں عثمان سے 2لاکھ 60ہزار اور موبائل فون، سندر کے علاقے میں عابدسے 2لاکھ 80 ہزار روپے اور موبائل فون، شادباغ میں عاطف سے 2لاکھ اور موبائل فون، ہیئر کے علاقے میں محمد یعقوب اور اس کے بھائی سے 2لاکھ 7 ہزار روپے، کوٹ لکھپت کے علاقے میں محمد سادات ایک لاکھ روپے اور دو موبائل فون، ہربنس پورہ کے علاقے میں احتشام علی اور اس کی بھائی سے 70ہزار اور موبائل فون، ہیئر کے علاقے میں ڈاکٹر محمد عاشق سے 67ہزار اور موبائل فون، مانگا منڈی میںحسنین اسلم سے 62ہزار اور موبائل فون، شاہدرہ میں اکبر سے ہزاروں روپے نقدی، موبائل فون اور موٹر سائیکل، ماڈل ٹاون کے علاقے میں وسیم عباس 50ہزار روپے اور لیپ ٹاپ، گلشن راوی کے علاقے میں وقاص جاوید سے 48ہزار روپے اور موبائل فون، ٹاؤن شپ کے علاقے میں عمیر سے 32ہزار اور موبائل فون، اقبال ٹاؤن کے علاقے میں ذوہیب فیاض سے 17ہزار روپے اور موبائل فون، غازی آباد کے علاقے میں محمد رضوان سے 15ہزار روپے اور موبائل فون، اقبال ٹاؤن کے علاقے میں اسد خان سے 4ہزار روپے اور موبائل فون لوٹ لیا اور فرار ہو گئے ہیں۔ چوروں نے گلبرگ، شادمان، گلشن راوی، بادامی باغ، نصیرآباد، ڈیفنس کے علاقوں میں سے6 کاریں جبکہ ملت پارک، لٹن روڈ، کوٹ لکھپت، لاری اڈہ، نشتر کالونی، گلبرگ، مناواں، ہنجروال کے علاقوں میں سے8موٹر سائیکلیں چوری کر لیں۔