میجر طفیل شہید نشان حیدر کے مزارپرپاک فوج کے دستے کی سلامی

   بورے والا ( نامہ نگار،تحصیل رپورٹر،نمائندہ نوائے وقت) یوم دفاع کے موقع پہ نشان حیدر میجر طفیل شہید کے مزارپر سلامی کی تفریب کا انعقاد کیا گیا جس میں میجر جنرل منیر الدین نے چیف آف آرمی سٹاف اور کور کمانڈر بہاولپور کی جانب سے پھولوں کی چادر  چڑھائی اور شہیدکے درجات کی بلندی کے لیے دعا کی پاک فوج کے چاک و چوبند  دستے نے سلامی بھی دی  اس موقع پر انتظامیہ، شہداء کی فیملیز، قانون نافذ کرنے والے اداروں کے ملازمین، شہریوں اور ریٹائرڈ آفیسرز نے شرکت کی جبکہ شہریوں نے انہیں خراج عقیدت کرتے ہوئے موجود شرکاء کے ہمراہ فاتحہ خوانی کی میجر محمد طفیل شہید نے 1958 میں ضلع لکشمی پور (مشرقی پاکستان) کے محاذ پر وطن عزیز کے لیے اپنی جان کا نذرانہ پیش کیا تھا جس پر انہیں پاکستان کے سب سے بڑی عسکری اعزاز نشان حیدر سے نوازا گیا تھا۔