جوہر ٹاؤن :چار روزقبل پراسرار طور پر لاپتہ ہونیوالے نوجوان نہ مل سکا

لاہور(نامہ نگار)جوہر ٹاؤن کے علاقے سے چار روزقبل پراسرار طور پر لاپتہ ہونے والے نوجوان گل شیرکا تاحال کچھ پتا نہیں چل سکا جبکہ ورثاء نے شبہ ظاہر کیاہے کہ اسے قتل کردیا گیا ہے ۔ورثاء نے مقدمے کے اندارج کے لئے تھانے میں دی گئی درخواست میں موقف اختیار کیا ہے کہ گل شیر3ستمبر کوگھر سے موٹر سائیکل پر اپنے نانا کی دوائی لینے گھر سے نکلا اور واپس نہ آیا۔ ہم گل شیر کے فون پر کالز کرتے رہے۔ مگر وہ نہیں کال اٹھا رہا۔جس کے بعداچانک گل شیر کے واٹس اپ پررات ایک خاتون نے کال اٹھائی اور کہا کہ گل شیر کو ہم نے قتل کر دیا ہے۔ اس کی لاش مین بلیوارڈ پر آ کر لے جاؤ۔ہم وہاں پہنچے اورہماری نظر گل شیر کی موٹر سائیکل پر پڑی جو کہ ایک کنسلٹنٹ بلڈنگ کے اندر چھپائی ہوئی تھی۔ اسی اثناء میں ایک خاتون نے 5 مسلح افراد کے ہمراہ ہمارے ساتھ بدتمیزی شروع کر دی۔ شدید نتائج کی دھمکیاں اور گالم گلوچ کیا۔ ہم نے 15پر کال کی توپولیس موقع پر آ گئی اور گل شیر کی موٹر سائیکل برآمد کر لی۔