لاہور، گوجرانوالہ( سپورٹس رپورٹر، نمائندہ خصوصی) پیراالمپکس کے گولڈ میڈلسٹ حیدر علی ٹوکیو سے لاہور واپس پہنچ گئے، علامہ اقبال ائیرپورٹ پر صوبائی وزیر کھیل رائے تیمور بھٹی نے خوش آمدید کہا اور پھولوں کے ہار پہناکر مبارکباد دی۔قومی ہیرو حیدر علی نے کہا کہ قوم کی دعاؤں سے یہ میڈل جیتا، عوام کا شکر گزار ہوں، گولڈ میڈل جیتنا میرا خواب تھا، گھر میں رہ کر 5 سال تک خود ٹریننگ کی۔گوجرانوالہ سے تعلق رکھنے والے حیدر علی پیرا المپکس میں سونے کا تمغہ جیتنے والے پہلے پاکستانی ہیں۔علاوہ ازیں حیدرعلی کا آبائی شہرگوجرانوالہ پہنچنے پر پرتپاک استقبال کیا گیا، گولڈ میڈلسٹ پر پھولوں کی پتیاں نچھاور کی گئیں،اہل علاقہ کے ڈھول کی تھاپ پر بھنگڑے ڈالے گئے۔