راولپنڈی(جنرل رپورٹر) پنجاب آرٹس کونسل میںیوم دفاع کے حوالے سے تقریب منعقدکی گئی ،مہمان خصوصی ممبر پنجاب اسمبلی فرح آغا تھیں،نمائش میں سینئرآرٹسٹ کرنل آصف حسین، احمدحبیب، یونس رومی، اعجازخان، فریحہ فاروق، طیبہ خالد، انزل صدیقی، رفعت خٹک نے حصہ لیا ،یوم دفاع پاکستان کے حوالے منعقدہ پوسٹرسازی کے مقابلوں میں لائبہ جاوید نے پہلی،ایمن یسین نے دوسری،احمد قریشی نے تیسری جبکہ معیز ہ ذیشان نے چوتھی پوزیشن حاصل کی،اس کے علاوہ کرنل شاہدرفیق ملک نے 1965 اور 1971 کی جنگ کے حوالے سے جاری ہونے والے ڈاک ٹکٹ نمائش کے لیے پیش کیے، ممبرپنجاب اسمبلی فرخ آغا کا کہنا تھا کہ1965کی پاک بھارت جنگ میں پاک فوج نے بہادری کے ایسے شاندار کارنامے سرانجام دیے جو رہتی دنیا تک یاد رکھے جائیں گے۔