نوشہرہ ورکاں:سندھ رجمنٹ  کے دستے،صحافیوں نے شہداء  کی قبروں پر پھول چڑھائے

نوشہرہ ورکاں(نامہ نگار+نمائندہ نوائے وقت)یوم دفاع پرپریس کلب رجسٹرڈ کے عہدیداروںا ورممبران نے شہر کے مختلف قبرستانوں میں افواج پاکستان کے شہداء سپاہی محمد رفیق شہید،مبشر رفیق شہید ،محمد جمیل شہید ودیگر کی قبور پر پھول چڑھائے اور انہیں خراج عقیدت پیش کیا علاوہ ازیں انہوں نے مرحوم صحافیوں ڈاکٹر محمد اشرف،میاں شوکت علی،چوہدری سیف اللہ میجر،عباس مصطفائی کی قبور پر بھی پھول چڑھائے اور مرحومین کے لیے مغفرت کی دعاء کی۔دریں اثناء   گاؤں خان مسلمان میں سندھ رجمنٹ اور پاکستان فیڈرل یونین آف جرنلسٹس کی طرف سے شہید حوالدار محمد امجد ورک اور دیگر افواج پاکستان کے شہداء کی قبروں پر پھولوں کی چادر چڑھائی اور فاتحہ خوانی کی گئی اس موقع پر صدر پی ایف یو جے اقبال صدیق سدھو  بھی موجود تھے۔