ملتان ( نیوز رپورٹر )صدر نظریہ پاکستان فورم پروفیسر حمید رضا صدیقی نے 6 ستمبر یوم دفاع پر پاک فوج کو سلام دیتے ہوئے کہا کہ یہ روشن دن پاک فوج کی فتح کا دن ہے۔ہمارے دشمن نے سوچا کہ شائد ہم غافل ہیں اور وہ لاہور جم خانہ میں فتح کا جشن منا لے گا مگر وہ آج تک اپنے زخم چاٹ رہا ہے۔ ایک ہی جھٹکے میں ہماری بہادر افواج نے دشمن کی کلائی موڑ دی۔ قوم چین کی نیند اسلئے سوتی ہے کہ ہماری افواج ہماری سرحدوں پر موجود ہیں۔ پروفیسر حمید رضا صدیقی نے کہا کہ پاک افواج ہمارا فخر ہیں۔ فضائی حدود ہوں یا بحری، زمینی ہمارا دفاع ناقابل تسخیر ہے اور بات ہمارے شہید، ہمارے غازی بارہا دشمن کو باور کرواچکے ہیں۔ کوئی بھی مسئلہ یا آفت ہو ہماری افواج ہمیشہ ہر اول دستہ کا کردار ادا کرتی ہیں۔