6ستمبر کو ہماری افواج نے اپنے سے 5گنا بڑے دشمن کے ناپاک ارادوں کو خاک میں ملا یا:وی سی پروفیسر ڈاکٹر عظمیٰ قریشی و دیگر

ملتان (خصوصی رپورٹر)یوم دفاع پاکستان کے حوالے سے ڈائریکٹر سٹوڈنٹس افیئرز  کے زیر اہتمام تقریب کا انعقاد کیا گیا۔ تقریب میں وائس چانسلر پروفیسر ڈاکٹر عظمیٰ قریشی ، رجسٹرار ڈاکٹر قمر رباب، اور ڈاکٹر عدیلہ سعد اور تمام شعبوں کی چیئرپرسنز نے شرکت کی۔اس موقع پر اپنے پیغام میں پروفیسر ڈاکٹر عظمیٰ قریشی وائس چانسلر نے کہا کہ 6ستمبر کو ہماری افواج نے اپنے سے 5گنا بڑے دشمن کے ناپاک ارادوں کو خاک میں ملا دیا۔ ہمارا دشمن جو وطن عزیز کو دنیا کے نقشے سے مٹانے آیا تھا بری طرح شکست سے دوچار ہوا۔ تقریب کے شرکاء نے کہا کہ اس ملک کا ہر شہری اپنے ذاتی مفاد پر ملکی مفاد اور سلامتی کو ترجیح دے گا اور ملک کی سلامتی پر کبھی آنچ نہیں آنے دے گا۔اس موقع پر ڈاکٹر رائمہ نظر ،ڈاکٹر سارہ مصدق نے شہداء کو ان کی انتھک قربانیوں پر خراج تحسین پیش کیا۔