چشتیاں ( نامہ نگار )تحریک انصاف کے چئیرمین عمران خاں 7 ستمبر کو میونسپل سٹیڈیم چشتیاںمیں انتخابی جلسہ سے خطاب کریں گے۔چشتیاں میں صوبائی اسمبلی حلقہ 241 کا ضمنی الیکشن 11ستمبر کو ہوگا ۔تحریک انصاف کے ضلعی چیئرمین ملک مظفر خاں بطور امیدوار تیسری بار الیکشن میں حصہ لے رہے ہیں سیٹ مسلم لیگ ن کے سابق ایم پی اے چوہدری کاشف محمود کے نااہل ہونے سے خالی ہوئی ہے۔دریں اثنا چشتیاں میں صوبائی اسمبلی حلقہ 241کے ضمنی الیکشن کے سلسلہ میں مسلم لیگ ن کی قائدمریم نواز 8ستمبر کو بڑے جلسہ سے خطاب کریں گی۔گجیانی روڈ پر وسیع گراﺅنڈ میں پنڈال سجایا جائےگا جبکہ 200افراد کے بیٹھنے کیلئے سٹیج تعمیر کیا گیا ہے۔ضلع بہاولنگر کے چار ارکان قومی اسمبلی وچھ ارکان صوبائی اسمبلی کے علاوہ نواحی اضلاع کے ارکان قومی وصوبائی اسمبلی بھی بہاولنگر روڈ پر مریم نواز کا استقبال کریں گے ۔
خطاب