لاہور(کلچرل رپورٹر) اداکارہ ریشم نے کہا ہے کہ میں نے ہمیشہ کم مگر معیاری کام کو ترجیح دی ہے‘فلم انڈسٹری کی بحالی کیلئے انقلابی اقدامات اٹھانا ہوں گے۔ فلم انڈسٹری کی ترقی میرا خواب ہے اجتماعی طور پر میں پاکستان فلم انڈسٹری کی بحالی کی خواہشمند ہوں اور اس کیلئے ضروری ہے کہ فلم کے تمام شعبوں میں نئے لوگوں کو مواقع ملنے چاہیے۔
 ریشم نے تجویز دی کہ فلم انڈسٹری میں ٹی وی اور سٹیج کے باصلاحیت اداکاروں کو آگے لانا چاہیے تاکہ پاکستان فلم  انڈسٹری میں نئے اداکاروں کو اپنی صلاحیتیں منوانے کا موقع مل سکے ۔