لاہور(خبرنگار)ڈی سی لاہور محمد علی نے کہا کہ لاہور شہر میں سبسڈائزڈ آٹا کی سپلائی جاری ہے۔ انہوں نے کہا کہ گزشتہ روزشہر بھر میں 01 لاکھ 54 ہزار 517 سستا آٹا کے بیگز فراہم کئے گئے ہیں۔ 10 کلو آٹے کے 49929 تھیلے فراہم کئے گئے ہیں اور 20 کلو آٹے کے 104588 تھیلے دئیے گئے ہیں اور 10 کلو آٹے کا تھیلا 490 روپے جبکہ 20 کلو آٹے کا تھیلا 980 روپے میں فروخت ہو رہا ہے۔ ڈی سی لاہور محمد علی نے کہا کہ اسسٹنٹ کمشنرز اور پرائس کنٹرول مجسٹریٹس آٹے کی سپلائی کو یقینی بنا رہے ہیں۔ انہوں نے کہا کہ شہر کے تقریباً 1100 سیل پوائنٹس پر سستا آٹا کی سپلائی جاری ہے۔