شارجہ: ایشیا کپ کے سپر فور مرحلے میں پاکستان نے ٹاس جیت کر افغانستان کو بیٹنگ کرنے کی دعوت دی ہے۔سپر فور مرحلے میں افغان ٹیم کو اپنے پہلے میچ میں سری لنکا سے شکست کا سامنا کرنا پڑا تھا جبکہ پاکستان نے پہلے میچ میں بھارت کو پانچ وکٹوں سے شکست دی تھی۔کپتان بابراعظم کا کہنا تھا کہ ٹیم میں کوئی تبدیلی نہیں کی گئی اور کوشش ہوگی افغانستان کی ٹیم کو کم سے کم اسکور پر آوٹ کریں۔ افغان ٹیم کے کپتان محمد نبی کا کہنا تھا کہ بڑا اسکور کرنے کی کوشش کریں گے، افغانستان کی ٹیم میں دو تبدیلیاں کی گئیں ہیں۔