ڈی آئی خان (نوائے وقت رپورٹ)  شادی میں ہوائی فائرنگ سے نکاح خواں سمیت 2 افراد جاں بحق ہوگئے۔ پولیس نے مقدمہ درج کر کے تفتیش شروع کر دی۔ واقعہ ڈی آئی خان کے تھانہ چودھواں کی حدود میں علاقہ تلئی بڈھ شاہ میں پیش آیا جس میں شادی کی تقریب کے دوران ایک شخص نے ہوائی فائرنگ کی۔ ایس ایچ او تھانہ چودھوان امان اللہ خان کے مطابق نکاح خوانی کے دوران ہوائی فائرنگ کی گئی اور گولیاں فضا سے واپس آکر نکاح خواں سمیت ایک اور شخص کو لگیں۔ نکاح خواں موقع پر جاں بحق ہوگیا اور دوسرے شخص کو ہسپتال منتقل کر دیا گیا جہاں زخموں کی تاب نہ لاتے ہوئے وہ بھی دم توڑ گیا۔