محمد رضوان کو تینوں فارمیٹس کا  کپتان بنائے جانے کا امکان 

لاہور(سپورٹس رپورٹر) قومی ٹیم کے وکٹ کیپر بیٹر محمد رضوان کو تینوں فارمیٹ کا کپتان بنائے جانے کا امکان ہے۔ذرائع کے مطابق چیمپئنز ون ڈے کپ میں بابراعظم کا کپتانی نہ کرنا ان کے پاکستان وائٹ بال ٹیم کا کپتان برقرار نہ رہنے کی جانب اشارہ ہے۔ آسٹریلیا کے دورہ کیلئے بابر اعظم کی جگہ نیا وائٹ بال کپتان بنائے جانے کا امکان ہے،  ہیڈ کوچ گیری کرسٹن جولائی میں بورڈ آفیشلز اور کپتان سے بات کر چکے ہیں۔ کپتانی کیلئے محمد رضوان کے نام پر گفتگو کی جائیگی اور اتفاق ہونے پر رضوان تینوں فارمیٹ کے بھی کپتان ہو سکتے ہیں۔