3 غیرملکی پروازیں منسوخ, 20 ملکی اور غیر ملکی پروازیں تاخیر کا شکار

مختلف ایئر لائنز کی آپریشنل وجوہات کی بنا پر فیصل آباد اور پشاور سے3 غیرملکی پروازیں منسوخ کردی گئیں اور مختلف ایئر پورٹس سے 20 ملکی اور غیر ملکی پروازیں تاخیر کا شکار ہوئیں ۔ فلائٹ شیڈول کے مطابق دبئی سے فیصل آباد کی پی آئی اے کی پرواز پی کے 224 منسوخ کر دی گئی ۔ پشاور سے دبئی کی پی آئی اے کی پرواز پی کے 283 اور شارجہ سے پشاور کی پی کے 258 منسوخ کر دی گئیں۔لاہور سے باکو کی پرواز جی 25047 اور 25048 کی آمد اور روانگی میں 3 گھنٹے تاخیر ہوئی جبکہ لاہور سے ریاض کی پی آئی اے کی پرواز پی کے 725 میں 5 گھنٹے تاخیر سے روانہ ہوئی ۔ کراچی لاہور کے درمیان پی کے 305 ڈھائی گھنٹے کی تاخیر کا شکار ہوئی ۔ کراچی سے جدہ کی پرواز پی ایف 714 میں 2 گھنٹے، کراچی سے جدہ ای آر 811 اور کراچی سے مدینہ پی کے 743 کی روانگی میں ایک گھنٹے کی تاخیر ہوئی ۔کراچی سے استنبول کی پروازیں ٹی کے 708 اور 709 دو گھنٹے تاخیر کا شکار ہوئیں جبکہ کراچی سے ملتان کی پرواز پی کے 330 اور 331 ڈیڑھ گھنٹے کی تاخیر کا شکار ہوئیں ۔ کراچی سے دبئی کی پرواز پی کے 214 میں ایک گھنٹے کی تاخیر کی گئی جبکہ اسلام آباد کیلئے غیر ملکی ایئر لائن کی پروازوں ای کے 614 اور 615 میں ایک سے ڈیڑھ گھنٹے کی تاخیر ہوئی ، غیر ملکی ایئر لائن کی جدہ سے اسلام آباد کی پروازوں ایس وی 726 اور 727 میں ایک گھنٹہ، پی آئی اے کی دبئی سے اسلام آباد کی پروازوں پی کے 233 اور 234 کی آمد اور روانگی میں ایک گھنٹے تاخیر ہوئی ۔ اسلام آباد سے ریاض کی پرواز ای آر 807 3 گھنٹے سے زائد کی تاخیر کا شکاررہی جبکہ  پشاور سے دبئی اور شارجہ سے پشاور کی پی آئی اے کی پرواز منسوخ کر دی گئی۔