کائونٹرٹیررازم ڈیپارٹمنٹ (سی ٹی ڈی) نے لاہور سمیت مختلف شہروں میں انٹیلی جنس بیسڈ آپریشن کیا جس میں القاعدہ کے اہم رکن سمیت 6  دہشت گردوں کو گرفتار کرلیا۔سی ٹی ڈی حکام  کے مطابق  لاہور سے گرفتار دہشت گردوں میں بخت جمال ،حمزہ آیت اللہ اور فیصل شامل ہیں۔سی ٹی ڈی حکام نے کہا کہ دہشت گردمختلف شہروں میں کالعدم تنظیموں کے ایجنڈے پر کام کررہے تھے ،گرفتار دہشت گرد حساس مقامات کی ریکی کرکے دہشت گردی کا منصوبہ بناچکے تھے ،دہشت گردوں کے قبضے سے بارودی مواد ، اسلحہ، ہینڈ گرنیڈ اور رقم برآمد ہوئی ہے،ملزمان کے خلاف مقدمات درج کرکے تفتیش شروع کردی۔