فیروز والہ؍ حجرہ شاہ مقیم (نامہ نگار)  تھانہ  فیکٹری ایریا کوٹ عبدالمالک کے علاقہ خانپور نہر کے قریب  مبینہ پولیس مقابلہ کے دوران  پولیس کی زیر حراست ڈاکو ہتھکڑی سمیت  اپنے ساتھیوں کی فائرنگ سے ہلاک ہو گیا۔  پولیس  زیر حراست ملزم یوسف جٹ کو ریکوری کے لیے  جا رہی تھی  ڈاکو یوسف جٹ کے 3ساتھی دو موٹر سائیکلوں پر سوار ہو کر آئے جنہوں نے پولیس پارٹی پر فائرنگ کر کے  یوسف کو چھڑوانے کے بعد فرار ہونے کی کوشش کی۔  ساتھیوں کی فائرنگ سے  ڈاکو یوسف ہلاک ہو گیا۔ دریں اثناء حجرہ شاہ مقیم میں  کوٹ ستیاں کے قریب تین ڈ اکو بچھڑا چھین کر فرار ہو رہے تھے کہ دیہاتیوں نے تعاقب کیا تو ڈاکوؤں نے فائرنگ کردی جس سے ڈاکوؤں کا اپنا نامعلوم ساتھی گولیاں لگنے سے ہلاک ہو گیا جبکہ اسی دوران ایک ڈاکو فرار ہو گیا اور ایک عرفان نامی ڈاکو پولیس نے گرفتار کر لیا۔ ہلاک ڈاکو کی فوری شناخت نہیں ہو سکی۔