فتح جنگ (نامہ نگار) حکومت پنجاب نے محکمہ تعلیم کے متعدد افسران کو اگلے گریڈ میں ترقی دے دی گریڈ 19کے ڈسٹرکٹ ایجوکیشن آفیسر (ایلمنٹری) اٹک عمران قریشی اور ضلع اٹک کے ممتاز ماہر تعلیم طاہر محمو د آف باہتر کو گریڈ 20میں ترقی دیتے ہوئے عمران قریشی کو فتح جنگ کی قدیمی درسگاہ گورنمنٹ بوائز ہائی سکول نمبر1فتح جنگ میں پرنسپل جبکہ طاہر محمو د کو پائلٹ سیکنڈری سکول اٹک کا پرنسپل تعینات کرنے کے احکامات جاری کردیئے گئے دونوں تعلیمی شخصیات کی ترقی اور نئی تعیناتی پر ضلع اٹک کے تعلیمی حلقوں میں خوشی ومسرت کی لہر دوڑ گئی ضلع اٹک کی ممتا ز علمی شخصیات سابق پرنسپل شیخ آصف محمو د صدیقی،ملک منہاج الدین احمد اعوان محکمہ تعلیم کے افسران ملک محمد مسکین ، تمکین الہٰی خان ، ملک عبدالخالق، اجمل بیگ،حسام الدین ، ملک امتیاز،مبشر جاوید،قاضی سلطان کپور، ممتاز حسین ، ملک رفیق عزیز،شمیم اختر، محمد فیاض و دیگر نے مبارکباد دی ہے ۔