لاہور(نامہ نگار)سی آئی اے کوتوالی پولیس نے ڈکیتی اور چوری کی درجنوں وارداتوں میں ملوث اشتہاری سمیت3گینگ کے 8 ملزمان کو گرفتارکر کے لاکھوں روپے مالیت کا لوٹا ہوا سامان اورا سلحہ برآمد کیا ہے۔تفصیلات کے مطابق ڈی ایس پی،سی آئی اے سٹی کوتوالی پولیس محمد جاوید صدیق کی سربراہی میں پولیس ٹیم نے ڈکیتی اورچوری کی درجنوں وارداتوں میں ملو ث3 گینگز کے 8ملزمان احسان عرف رام جانے, عبدالحق,نواز, دلاور, زبیر, ذوالفقار,شہروز اور منیرکو گرفتار کر کیان کے قبضے سے لاکھوں روپے مالیت کے طلائی زیورات، نقدی، موبائل فون،دیگر قیمتی سامان اور ناجائز اسلحہ برآمدکرلیا گیاہے۔ڈی ایس پی محمد جاوید صدیق نے بتایاکہ ملزمان گن پوائنٹ پر وارداتوں کے دوران شہریوں کو نقدی اور دیگر اشیاء سے محروم کر دیتے تھے۔ملزمان سابقہ ریکارڈ یافتہ ہیں جو متعدد بار گرفتار ہو کر جیل جا چکے ہیں۔ ملزمان نے ڈکیتی اور چوری کی متعدد وارداتیں کرنے کا اعتراف کیا ہے۔ ایس ایس پی، سی آئی اے لاہور شعیب خرم جانبازنے ڈی ایس پی محمد جاوید صدیق اور ان کی ٹیم کو شاباش دی ہے اور ٹیم کے لیے نقد انعام و تعریفی اسناد کا اعلان کیا ہے۔