نیسلے کے تحت عالمی یوم صحت پر مقابلہ مصوری کے فاتحین کااعلان

کراچی (کامرس رپورٹر) نیسلے فار ہیلتھیئر کڈز کے تحت بچوں کی تخلیقی صلاحیتوں کا اجاگرکرنے کیلئے 10سال سے 14 سال کے بچوں کے درمیان ڈرائنگ کے مقابلے کا انعقاد کیا گیا جس میں پاکستان بھر سے 1000 سے زائد بچوں کی ڈرائنگ موصول ہوئی ہیں۔ فاتحین بچوں کا اعلان عالمی یوم صحت کے موقع پر کیا گیا جن کی ڈرائنگزکو نیسلے پاکستان کی ویب سائٹ پر آوایزںکیاجائے گا۔ مقابلے کے موضوعات میں ’میں چشت ہوں‘ ، ’میں ورزش کرتا ہوں‘، ’ صحت مند غذا کھاتا ہے‘، مجھے پانی سے محبت ہے‘  شامل تھے ۔ وضوعات کا انتخاب کافی احتیاط کے ساتھ کیا گیا ۔ اس مقابلے کا بنیادی مقصد صحت مند عادات کے بارے میں بچوں کوآگاہی فراہم کرنا اورانہیں ڈرائنگ کے تین موضوعات میں سے کسی ایک کے تحت تصاویر بناکر متحرک طرز زندگی کے بارے میں زیادہ سے زیادہ شعور دینے کا موقع فراہم کر نا تھا۔ بچوں نے شاہکارحقیقی اور تخلیقی فن پارے پیش کئے جس سے موضوعات کے بارے میں ان کی گہری تفہیم کا اظہار ہوتا ہے۔ N4HK فاتحین کو مبارک باد دیتا ہے جنہیں مقابلے میں شرکت کے اعتراف میں سر  ٹیفکیٹ سے نوازا جائے گا۔اس سرگرمی پر گفتگو کرتے ہوئے وقار احمد، ہیڈ آف کارپوریٹ افیئرز، نیسلے پاکستان نے کہا’’ مقابلے کا مقصد بچوں کومصروف عمل کرنا اور ان کی روزمرہ کی زندگیوں میں صحت مند طرز زندگی اور جسمانی سرگرمی کی اہمیت کے بارے میں آگاہی دینے کے ساتھ ساتھ ان کی تخلیقی صلاحیتوں کو فروغ دینا ہے۔ انہوں مزید کہا’’ N4HK پروگرام  اچھی صحت اور فلاح بہبود کے حوالے سے  اقوام متحدہ کے پائیدار ترقی کے اہداف 3)) کیلئے ہمارے عزم کا ایک حصہ ہے جس کا مقصد اس بات کو یقینی بنانا ہے کہ بچے  غذائیت اور جسمانی سرگرمی کو سمجھیں اور بڑھنے کے ساتھ ساتھ وہ اپنی صحت مند زندگی کو جاری رکھیں۔ پروگرام کے ذریعے 2 لاکھ 50ہزار بچوں تک رسائی کی گئی جبکہ 1300 اساتذہ کو تربیت فراہم کی گئی۔‘‘