لاہور(سپورٹس ڈیسک ) کوئٹہ میں پہلوانوں نے موسم بہار کا کشتی کے مقابلوں کا انعقاد کر کے استقبال کیا۔کوئٹہ میں موسم بہار کے شروع ہوتے ہی خوبصورت پھولوں کی کلیاں کھل اٹھیں اور پہلوان بھی میدان میں آ گئے۔ پہلوانوں نے موسم بہار کو خوش آمدید کہنے کا انوکھا انداز اپنایا۔ ہلکی ہلکی خنک ہوا کے سنگ انہوں نے پشتون کشتی میدان سجایا جس میں کوئٹہ سمیت دوسرے شہروں سے آئے درجنوں پہلوانوں نے اپنی طاقت کے جوہر دکھلا کر شائقین کو خوب محظوظ کیا۔  جیتنے والے پہلوانوں کو ثقافتی پگڑیاں پہنائی گئیں اور انہوں نے جیت کی خوشی میں پشتون رقص کر کے شائقین کے خون کوخوب گرمایا۔