تربوز نہ دینے پر ظالم شخص  نے عورت کو قتل کردیا

میہڑ (نامہ نگار)  میہڑ کے قریب گائوں رانجھو جہتیال میں فصل سے تربوز نہ دینے پر ملزم نے طیش میں آکر باگڑی عورت امیراں زوجہ نارو مل باگڑی کو ڈنڈے مارکر قتل کردیا‘ جبکہ مقتولہ عورت کے بیٹے نے میڈیا سے بات چیت کرتے ہوئے الزام لگایا کہ زرعی زمین سے تربوز کے فصل سے ملزم زبردستی تربوز توڑ کر لے جا رہا تھا ،جسے میری ماں نے  منع کیا تو اس نے تیش میں آکر میری ماں کو ڈنڈے مارکر قتل کر دیا ، جبکہ واقعے کا مقدمہ درج نہیں ہو سکا  اور نہ ہی پولیس نے ملزم کو گرفتار کر سکی ہے۔