بہائو الدین ذکریا یونیورسٹی بی کام نتائج ء 2021

لاہور( بزنس رپورٹر)بہائو الدین ذکریا یونیورسٹی کے گزشتہ دِنوں اعلان کردہ کا بی کام نتائج 2021ء کے مطابق پنجاب کالجز کی طالبات نے شاندار تعلیمی کارکردگی کا مظاہرہ کرتے ہوئے پہلی تین پوزیشنز کیساتھ مجموعی طور پر 6پوزیشنز اپنے نام کرتے ہوئے اپنی مادر علمی کا نام روشن کیا۔آمنہ طارق، ریجہ ندیم اور ذرمینہ منیر 1500 کل نمبروں میں سے 1211,1208, اور 1137 نمبروں کیساتھ بالترتیب پہلی ، دوسری اور تیسری پوزیشن کی حقدار ٹھہر یں۔علاوہ ازیں ایمن آفتاب نے 1131نمبر  لیکر پانچویں ،اقصی طیب نے 1114 کیساتھ چھٹی اور سیدہ فاطمہ نے 1090 نمبروں کیساتھ نویں پوزیشن اپنے نام کی۔ کالج انتظامیہ اور طالب علموں نے اس شاندار کامیابی پر تمام ہونہار طالبات کو مبارکباد دی جبکہ پوزیشن ہولڈرز نے اِن کامیابیوں کو رب کریم کا کرم ، والدین کی دعائوں، اساتذہ کی کاوش اور اپنی محنت کا ثمر قرار دیا۔