عاصم اظہر کو یوٹیوب کی جانب سے گولڈن بٹن مل گیا

نوجوان گلوکار عاصم اظہر کو یوٹیوب کی جانب سے گولڈن بٹن مل گیا ہے۔گلوکار و اداکار عاصم اظہر کے ویڈیو اپلوڈنگ ایپ یوٹیوب پر ایک ملین سے زائد سبسکرائبرز ہیں جس کے بعد مقبول ترین سرچ انجن گوگل کی ملکیتی ویڈیو سائٹ یوٹیوب کی جانب سے انہیں گولڈن پلے بٹن دیا گیا ہے۔ عاصم اظہر نے یہ خوشخبری اپنے مداحوں کے ہمراہ انسٹاگرام پر شیئر کی ہے۔عاصم اظہر نے متعدد تصویریں شیئر کی ہیں جن میں انہیں انتہائی خوش اور ان کی والدہ کو یہ گولڈن بٹن تھامے ہوئے دیکھا جا سکتا ہے۔عاصم اظہر کا اس پوسٹ میں شکر ادا کرتے ہوئے لکھنا ہے کہ یہ ہفتہ ان کے لیے حیران کن رہا۔