عامر کی واپسی سے 3فاسٹ بائولرز کیلئے خطرے کی گھنٹی بج چکی :محمد آصف

لاہور (سپورٹس رپورٹر ) سابق کرکٹر محمد آصف نے کہا ہے کہ آئی سی سی ٹی20 ورلڈکپ سے قبل محمد عامر کی واپسی سے پاکستانی ٹیم میں تین فاسٹ بائولرز کیلئے خطرے کی گھنٹی بج چکی ہے۔ امریکہ کی ہر ریاست میں موسم بالکل تبدیل ہوجاتا ہے، یہاں پاکستانی ٹیم ایک میچ میں تین فاسٹ بائولرز کیساتھ بھی میدان میں اتر سکتی ہے، جس کا انہیں فائدہ ہوگا۔ پاکستانی ٹیم میں دو فاسٹ بائولر ایسے ہیں جو ورلڈکپ کے دوران پلئینگ الیون کا حصہ ہوں گے جبکہ شاہین شاہ آفریدی سے کپتانی لینے کے بعد معاملات صحیح نہیں چل رہے جبکہ انکی بائولنگ فارم بھی متاثر کن نہیں ہے ہوسکتا ہے انہیں سائیڈ لائن لگادیا جائے۔ آئی سی سی ورلڈکپ کے دوران قومی ٹیم میں محمد عامر اور نسیم شاہ مستقل ٹیم کا حصہ ہوں جبکہ تیسرے فاسٹ بائولر کی حثیت سے شاہین، حارث اور محمد وسیم جونیئر میں مقابلہ ہوگا۔ نسیم شاہ کے حوالے سے کہنا تھا کہ مجھے نہیں لگتا تھا کہ وہ اتنی جلدی کندھے کی انجری سے اتنی جلدی نجات حاصل کرسکیں لیکن انہوں نے بہادری کا مظاہرہ کیا۔